شهادة التعليم المفتوح للثقافة فقط لاغير !؟

استعرض الموضوع السابق استعرض الموضوع التالي اذهب الى الأسفل

شهادة التعليم المفتوح للثقافة فقط لاغير !؟

مُساهمة من طرف Admin في الأحد سبتمبر 03, 2017 11:35 am



شهادة التعليم المفتوح للثقافة فقط لاغير !؟
يسعد أوقاتكن حابب وضح هالموضوع لأن نحكا فيه كتير وبتمنى من المهتمين يقرأو الي بدي احكي للآخر قبل ما يناقشني بأي شي وبداية بنقول مين فينا ما سمع هالجملة شهادة التعليم المفتوح للثقافة طيب يا ترا شو قصتها رح احكيلكن الموضوع صار عالشكل التالي كان في لقاء مع الدكتور رياض طيفور معاون وزير التعليم العالي لشؤون الطلبة مهم انسئل الدكتور رياض طيفور عن التعليم المفتوح وحكا انو التعليم المفتوح في بدايتوا كان غايتوا الثقافة بحيث انو الطالب يدرس فرع تاني مع اختصاصوا لحتى يكون عندو ثقافة عامة أكبر بس مع الوقت اطور التعليم المفتوح وصارت شهادتوا معادلة ومساوية لشهادة التعليم النظامي بقرار من مجلس التعليم العالي بل 2007 طيب حلو هالكلام لهون صح؟ بس يا ترا شو الي صار قسم كبير من صفحات الفيس البوك أخدت القسم الأول من حديث ونشرتوا فورا انو قال الدكتور رياض طيفور انو التعليم المفتوح للثقافة العامة وليس للتوظيف ومن هالحكي الفاضي وللأسف الإشاعة انتشرت بشكل مرعب حتى بين أوساط طلاب التعليم المفتوح والي في منهن فكر جديا بترك الدراسة خصوصا انو لساتوا سنة اولى وشايف انو دراستوا رح تروح عالفاضي هاد كان القسم الأول الي بدي احكي عنو اما القسم التاني كيف اطور التعليم المفتوح الي صار انو بعد ما تخرجت اول دفعة تعليم مفتوح من برنامج الدراسات القانونية (الحقوق) ما انقبلوا بنقابة المحامين ولا بالقضاء وصارت بلبلة كبيرة بوقتها انو نحنا طلاب جامعيين درسنا 4 سنين متلنا متل طلاب التعليم النظامي كيف ما بتنقبل شهداتنا المهم وقتها بعد صد ورد صدر القرار بانوا شهادة التعليم المفتوح معادلة لشهادة التعليم النظامي وصار خريج المفتوح بيحسن يقدم ع المسابقات ينضم للنقابة للقضاء يطوع عشهادتوا كضابط يعني فعلياً صار الها كل امتيازات شهادة التعليم النظامي وحابب نوه لموضوع مهم جدا يتداول انو ليش خريج الترجمة ما بينقبل بالمسابقات هل يا ترا لانوا شهادة تعليم مفتوح؟ الجواب هو لانوا ما عم ينطلب اختصاص ترجمة عم ينطلب أدب انكليزي وأدب الإنكليزي غير الترجمة لهيك ما عم يقبلوا الطلاب الحملة لهل الشهادة واصلا طالب الترجمة اذا بيشتغل عحالوا بلاقي شغل كب بالقطاع الخاص لانوا كتير مفيد لأي شركة يكون فيها ترجمان او مترجم خصوصا اذا الها تعاملات أجنبية وبالختام زملائي بالتعليم المفتوح والتعليم النظامي انت بثقافتك وعلمك وفهمك وبحثك عن المعلومة السليمة بتكون عم تعطي قيمة لشهادتك ولا اضل عم تستنى حدا يعطيك ياها غيرك لانك انت الي بتقدر تثبت حضورك قدام الناس وزملائي الطلاب اخيرا بالنسبة للي حابب يسجل بالتعليم المفتوح مفاضلة التعليم المفتوح بتصدر بعد مفاضلة التعليم الموازي التانية بالشهر العاشر بالتوفيق والنجاح للجميع

المقال منقول

Admin
Admin

المساهمات : 31
تاريخ التسجيل : 18/06/2017

معاينة صفحة البيانات الشخصي للعضو http://alafk.ahlamontada.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى